Wednesday, November 22nd, 2017
.

R/W Kheyre oo War Farxad leh ku Dhawaaqay iyo Shirka Golaha Wasiirada oo lagu Qabanayo Jubaland…

War xasaasi ah oo ay heshay wardaye.com ayaa sheegayaa in Shirka Golaha Wasiirada xukuumadda Soomaaliya uu ka dhici doono meel ka baxsan caasimadda.

Waxa la sheegayaa in uu shirku khamiista soo socota uu ka dhici doonto magaalada Kismaayo ee dhankaa iyo maamulka Jubbaland, taasoo noqoneysa markii u horeysay ee Shirka Golaha Wasiirada lagu qabto meel aan aheyn Muqdisho,tan iyo markii dowladda Soomaaliya ka baxday Ku meel gaarka.

Ra’iisul Wasaare Kheyre ayaa la sheegay in Golihiisa Wasiirada uu ku wargeliyay inay isu diyaariyaan safar ay ugu ambabaxayaan magaalada Kismaayo, oo halkaas lagu qaban doono shirka Golaha Wasiirada.

Wafdiga ay kala hoggaaminayaan Ra’iisul Wasaaraha iyo Ra’iisul Wasaare kuxigeenka ayaa u ambabixi doona Kismaayo, iyadoo magaalada laga dareemayo diyaar garowga soo dhoweynta wafdiga, iyo sugida amniga.

Ciidamada ammaanka Jubbaland ayaa si aad ah u adkeeyay ammaanka magaalada, iyadoo ay socdaan howl galo ka bilowday xaafadaha magaalada.

Shirarka Golaha Wasiirada ayaa horay uga dhacay magaalooyinka Baydhabo iyo Jowhar, xilligii Ra’iisul Wasaarayaashii hore Cali Maxamed Geeddi iyo Nuur Cadde, xilligaasoo dowladda aheyd mid KMG ah.

Shirka Golaha Wasiirada Dowladda ee lagu qabanayo Kismaayo waa mid ka mid ah isbedellada ay keentay xukuummadda R/W Kheyre..

Xukuumadda Soomaaliya ayaa qorsheyneysa inay xarumaha maamul goboleedyada dalka ku qabato shirarka Golaha Wasiirada, si ay uga baxdo xeyndaabka Muqdisho, oo xukuumad walba oo la soo dhiso aan dhaafin.

.

Readers Comments (0)



wararkii hore

AKHRISO:Taariikh Nololeedka Muuse Biixi Cabdi (Madaxweynaha-La-Doortay) ee Somaliland

November 21, 2017
Muuse Biixi Cabdi madaxweynaha la doortay ee Somaliland waxa uu ku dhashay tuulo yar oo ku taal galbeedka ...

WAR DEG DEG AH:Natiijada Doorashooyinka Soomaaliland oo la shaaciyay

November 21, 2017
Guddiga Doorashooyinka Somaliland ayaa ku dhawaaqay natiijada doorashadii Somaliland ka dhacday 13-kii November ee sanadkan 2017. Guddiga waxa ...

Maxaa ay Isku Afgarteen M/weyne Farmaajo iyo Sh. Maxamed Bin Zayed?

November 21, 2017
M/weyne Maxamed Cabdullaahi Farmaajo iyo Dhaxal Sugaha ismaamulka Abu-Dubai, ahna ku xigeenka taliyaha guud ee ciidamada qalabka sida ...