Monday, July 24th, 2017
.

AKHRISO:Yaa Diley 5-tii Wiil ee uu Dhalay Ganacsade Xaaji Gaabow?

5 Wiil oo uu dhalay ganacsade Xaaji Gaabow ayaa la diley iyagoo isla saaran hal baabuur. Dilka ayaa waxaa fuliyey koox aad u hubeysan oo baadigoobayey wiilashaasi. Dilkani oo ahaa mid arxan darro ah ayaa ka dhacday deegaanka Calamada ee dulleedka magaalada Muqdisho.

Wararka ayaa sheegayaa toogashada ku dhinteen dhammaantood 5-tii wiil oo u dhalay ganacsade Xaaji Gaaboow. Ninkani ayaa caan ka ah koonfurta Soomaaliya, dadka degaanka Calamada ayaa laga soo xigtay in Kooxo ku cusub degmada oo aad u hubeysan inay rasaas ku fureen wiilashan oo saarna hal gaari, markaa oo la xaqiijiyay inay ka yimaadeen aaska haweeney ay qaraabo dhow ahaayeen.

Qof dadka deegaanka ka mid ah wuxuu sheegay kooxda dilka fulisay inay dhulka keynta ah ee deegaanka ku dhow uga daba-tageen mid ka mid ah wiilasha uu ganacsadaha dhalay oo dhaawac ahaan u baxsaday,iyagoo kaddibna toogtay.

HALKAAN KA DAAWO MUUQAAL NAXDIN BADAN

Guddoomiye ku-xigeenka maamulka gobolka Shabeellaha Hoose oo dilka ka hadlay wuxuu sheegay inay aad uga naxeen,wuxuu marka caddeeyay inan wali la aqoonsan kooxda dilka fulisay,balse ay baaritaanno wadaan hay’adaha ammaanka dalka.

Dilkan ayaa lugu sheegay inuu ka mid noqonayo kuwii ugu naxdinta badna ee ka dhaca duleedka magaalada Muqdisho,lama ogga sababta ka dambeysay toogashada iyo kooxda fulisay.

__

Nagala soo xiriir: Interpaj24@gmail.com
.

Readers Comments (0)



wararkii hore

Geelle Xaaf: “Walaalahay Ahlu-Sunna Waa in ay Xabadda ka Joojiyaan Rayidka Abaaruhu Hayaan..”

July 24, 2017
Madaxweynaha maamulka Galmudug Axmed Ducaalle Geelle Xaaf  ayaa sheegay in ciidanka maamulkiisa aanu ka qeybqaadan dagaalladii ka dhacay ...

Maxaa kala heysta M/weyne Farmaajo iyo Ganacsatada Taakuleysa Kooxda Al-Shabaab??

July 24, 2017
Wararka la isla dhex marayo ayaa sheegaya in ganacsatada Soomaaliya ay hor tegi doonaan Farmaajo. Xogta ayaa sheegaysa ...

DAAWO:Muslimiinta Iyo Yahuuda oo isaga horyimid Masjidul Aqsa iyo Dhagaxaanta oo Sida Roobka!!!

July 22, 2017
DAAWO:Muslimiinta Iyo Yahuuda oo isaga horyimid Masjidul Aqsa iyo Dhagaxaanta oo Sida Roobka!!!